हेटौँडा /स्वर्गीय अष्टकुमारी शाक्य स्मृति अन्तर क्याम्पस टी २० क्रिकेट प्रतियोगिता अन्तर्गत आइतबार भएको खेलमा हेटौंडा स्कुल अफ म्यानेजमेन्ट र सिमरा कलेज बिजयी भएको छ ।
हेटौंडा ४ हुप्रामा भएको पहिलो खेलमा हेटौंडाकै नारायण्ी कलेजलाई १५ रनले हराउँदै म्यानेजमेन्ट लगातार दोश्रो खेलमा बिजयी भएको हो । म्यानेजमेन्टले दिएको १ सय ३५ रनको लक्ष्य पछ्याएको नारायणीले निर्धारित २० ओभरमा १ सय १९ रन मात्र बनाउन सक्यो ।
नारायणीको लागि मिथिलेश कुमार गुप्ताले सर्वाधिक नटआउट ५८ रन बनाए । यसअघि टस हारेर पहिले ब्याटिङ गरेको म्यानेजमेन्टले निर्धारित २० ओभरमा ६ विकेट गुमाउँदै १ सय ३४ रन बनाएको थियो । म्यानेजमेन्टको तर्फबाट युविन बुढाथोकीले सर्वाधिक ३९ रन बनाएका थिए । खेलको म्यान अफ दि म्याच नारायणीका मिथिलेश कुमार गुप्ता घोषित भए ।
यसैगरी आइतबार नै भएको दोश्रो खेलमा सिमरा कलेज ३ विकेटले बिजयी भएको छ । चितवनको एरोभा कलेजले दिएको १ सय ५ रनको लक्ष्य सिमराले १६ दशमलब १ ओभरमा ७ विकेटको क्षतिमा भेटायो । सिमराको लागि अजय पटेलले सर्वाधिक ४३ रन बनाए । चितवनको लागि पाल्देन लामाले सर्वाधिक ३ विकेट लिए । यसअघि टस जितेर पहिले ब्याटिङ गरेको चितवनले निर्धारित २० ओभरमा ७ विकेट गुमाएर १ सय ४ रन बनाएको थियो ।
चितवनको लागि पाल्देन लामाले सर्वाधिक ४२ रन बनाएका थिए । त्यस्तै सिमराको तर्फबाट अजय पटेलले सर्वाधिक २ विकेट लिएका थिए । उक्त खेलको म्याद अफ दि म्याच सिमराका अजय पटेल घोषित भए । फागुन २९ गतेसम्म हुने प्रतियोगितामा विजेताले ५० हजार रुपैयाँसहित ट्रफि र मेडल प्राप्त गर्नेछन् भने उपविजेताले २५ हजार नगदसहित ट्रफि र मेडल प्राप्त गर्नेछ ।
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
एमालेको जागरण अभियान तथा अभिमुखीकरण कार्यक्रम सम्पन्न
राप्रपाको समर्थनबारे केन्द्र र बागमतीबीच फरक दाबी
