हेटौंडा/हेटौंडा जेसीजको आयोजनामा सम्पन्न अष्टकुमारी स्मृति टी–२० क्रिकेट प्रतियोगिताको उपाधि नेशनल इन्फोटेक कलेज वीरगञ्ज, पर्साले जितेको छ।
हेटौंडा-४ स्थित हुप्रचौरमा भएको फाइनल खेलमा नेशनल इन्फोटेक कलेजले हेटौंडा स्कुल अफ म्यानेजमेन्टलाई पराजित गर्यो। विजेता टोलीले नगद ५० हजार र उपविजेता टोलीले २५ हजार रुपैयाँ पुरस्कार प्राप्त गरेको छ ।
आयोजक संस्था हेटौंडा जेसीजका अध्यक्ष विकेशलाल श्रेष्ठ र हेटौंडा उपमहानगरपालिकाका उपमेयर राजेश बानियाँले विजेता, उपविजेता तथा सर्वोत्कृष्ट खेलाडी, बलर र ब्याटरलाई पुरस्कार प्रदान गरेका थिए।
प्रतियोगितामा हेटौंडा, चितवन, बारा र पर्साका गरी ४ जिल्लाको सहभागिता थियो। कार्यक्रम संयोजक सुमन अर्यालका अनुसार प्रतियोगिता सञ्चालनमा करिब ५ लाख रुपैयाँ खर्च भएको थियो।
अर्यालले अगामी वर्षदेखि प्रतियोगितालाई अझै उच्च स्तरीय र सहभागी संख्या बढाउने योजनामा रहेको बताउँछन्।
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
एमालेको जागरण अभियान तथा अभिमुखीकरण कार्यक्रम सम्पन्न
राप्रपाको समर्थनबारे केन्द्र र बागमतीबीच फरक दाबी
