हेटौंडा – हेटौंडा उपमहानगरको बजार अनुगमन समितिले आइतबार स्थानीय दुई प्रमुख होटलहरूको निरीक्षण गरेको छ। यस क्रममा प्रकाश होटललाई सुधारका लागि १५ दिनको समय दिइएको छ।
हेटौंडा-१० टिसिएन रोडमा अवस्थित प्रकाश होटलको भान्सामा गम्भीर समस्याहरू फेला परेको समितिका सदस्य एवं उपमहानगरपालिकाका खाद्य प्राविधिक एलिना न्यौपानेले बताइन्। उनका अनुसार, होटलको किचेनमा फोहोर, अस्वच्छता, बिग्रिएको फ्रिज र म्याद गुज्रेका खाद्य पदार्थहरू फेला परेका थिए। समितिले प्रकाश होटललाई थ्री-स्टार होटलको मान्यताको प्रमाणपत्र तीन दिनभित्र पेश गर्न पनि निर्देशन दिएको छ।
यसैबीच, हेटौंडा-४ मा रहेको सामना होटलको पनि अनुगमन गरिएको थियो। आइतबार बिहान दिएको खानामा बासी मासु परेको सूचना पछि टोली अनुगमनका लागि सामना पुगेको थियो । आन्तिरक मामिला तथा कानुन मन्त्रालयले गरेको बिपद्मा स्वयमसेवक व्यवस्थापन प्रणाली सम्बन्धी कार्यक्रममा सहभागीमध्य केहीलाई बासी गन्हाएको मटन परेको बताइएको थियो । सामना होटलमा केही सामान्य सुधारका लागि सुझाव दिइएको समितिले जनाएको छ।
अनुगमन टोलीमा वडा अध्यक्ष सविन न्यौपानेको नेतृत्वमा विभिन्न कार्यालयका प्रतिनिधिहरू सहभागी थिए। यस अनुगमनले हेटौंडाका प्रमुख होटलहरूमा स्वच्छता र गुणस्तर कायम राख्न दबाब सिर्जना गरेको छ।
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
