बागमती प्रदेश सरकारले आज पूर्णता पाएको छ। मुख्यमन्त्री बहादुर सिंह लामाले नेपाली कांग्रेसबाट थप चार जना मन्त्री नियुक्त गरेसँगै प्रदेश सरकारले पूर्ण आकार लिएको हो।
प्रदेश प्रमुख यादवचन्द्र शर्माले कांग्रेसका श्यामबहादुर खड्का, हरिप्रभा खड्गी, मिनकृष्ण महर्जन, सुरजचन्द्र लामिछाने र विमल ठकुरीलाई सपथ गराए। उनीहरूले क्रमशः खानेपानी, ऊर्जा तथा सिंचाइ, सामाजिक विकास, युवा तथा खेलकुद, आन्तरिक मामिला तथा कानुन र पर्यटन तथा सहकारी मन्त्रालयको जिम्मेवारी पाएका छन्।
यससँगै बागमती प्रदेशमा मन्त्रालयको संख्या १३ र मन्त्री १४ पुगेको छ। मुख्यमन्त्रीसहित कांग्रेसबाट ८ र एमालेबाट ६ जना मन्त्री रहेका छन्।
यसअघि गत बुधबार मुख्यमन्त्री लामासँगै एमालेका ६ र कांग्रेसका तीन जना मन्त्रीले सपथ लिएका थिए। बिहीबार कांग्रेसका तर्फबाट थप मन्त्री नियुक्तिमा सत्ता साझेदार एमाले र कांग्रेस भित्रै विवाद भएपछि सपथ कार्यक्रम रोकिएको थियो।
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
