रोटरी क्लब अफ मकवानपुरको आयोजनामा तेश्रो रोटरी मकवानपुर पिप्ले क्याम्पा राष्ट्रिय भेट्रान्स फुटबल प्रतियोगिता २०८१ हुने भएको छ ।
बुधबार पत्रकार सम्मेलन गरी रोटरी क्लब अफ मकवानपुरले प्रतियोगिता बारे जानकारी गराइएको हो । भाद्र २४ गतेदेखि ३१ गतेसम्म हेटौंडा ५ स्थित पिप्ले क्याम्पा रंगशालामा प्रतियोगिता हुने रोटरी क्लब अफ मकवानपुरका संयोजक मोहन ढकालले जानकारी दिनुभयो । जलन प्राथमिक उपचार केन्द्रको निर्माण अभियानको लागि आर्थिक संकलन गर्ने उद्देश्यले प्रतियोगिता गर्न लागिएको संयोजक ढकालले बताउनुभयो ।
८ दिनसम्म १५ वटा खेल हुने प्रतियोगिताको बिजेताले नगद २ लाख २ हजार र उपबिजेताले १ लाख १ हजार पुरस्कार पाउनेछ । त्यसैगरी विधागत तर्फ सर्वोकृष्ट हुने प्रशिक्षकलाई नगद १० हजार, उत्कृष्ट खेलाडी, गोलरक्षक, डिफेन्स, मिडफिल्डर र फरवार्डलाई जनही ५ हजारको दरले पुरस्कृत गरिने आयोजकले जनाएको छ ।
पिप्ले युवा क्लबको सहआयोजक र रोट्रयाक क्लब अफ मकवानपुरको सहकार्यमा हुन लागेको प्रतियोगिताको अनुमानित खर्च १६ लाख २८ हजार रहेको छ । यसअघि २०७२ सालमा भएको पहिलो संस्करण र २०७३ सालमा भएको दोश्रो संस्करणको उपाधि चितवन भेट्रान्स क्लबले जितेको थियो ।
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
