बागमती प्रदेशका मुख्यमन्त्री बहादुर सिं लामाले प्रहरी प्रशासनबाट नै जनताले राज्यको प्रत्यक्ष अनुभूति गर्ने बताएका छन्। बुधबार बागमती प्रदेश प्रहरी कार्यालयको नवनिर्मित प्रशासनिक भवनको उद्घाटन गर्दै उनले बताएका हुन्।
मुख्यमन्त्री लामाले भने, “प्रहरीले नागरिकसँग गर्ने व्यवहारबाटै राज्यप्रति नागरिकको धारणा बन्छ। जनतालाई राज्यबाट दिइने पहिलो सेवा नै प्रहरी सेवा हो।”
उनले नयाँ भवनले प्रदेशभर शान्ति सुरक्षा कायम गर्न सहज हुने विश्वास व्यक्त गरे। साथै, अपराध नियन्त्रण, प्रभावकारी अनुसन्धान र विपद् उद्धार जस्ता कार्यहरू आधुनिक प्रहरी संगठनबाट मात्र सम्भव हुने बताए।
आन्तरिक मामिला तथा कानुन मन्त्री सुरजचन्द्र लामिछानेले संघीयताको प्रभावकारी कार्यान्वयनका लागि प्रहरी समायोजन हुनुपर्ने र प्रहरी संगठनलाई प्रविधिमैत्री बनाउनुपर्नेमा जोड दिए।
बागमती प्रदेश प्रहरी प्रमुख विष्णुबहादुर केसीले प्रहरी संगठनको भौतिक संरचना बलियो बनाउनुपर्ने बताए। भवन निर्माणका लागि प्रदेश सरकार र प्रहरी प्रधान कार्यालयले गरी कुल २० करोड ५४ लाख रुपैयाँ खर्च गरेको जानकारी दिइएको छ।
एमालेको जागरण अभियान तथा अभिमुखीकरण कार्यक्रम सम्पन्न
राप्रपाको समर्थनबारे केन्द्र र बागमतीबीच फरक दाबी
बागमतीमा किरण थापाको नेतृत्वमा सरकार गठनको दाबी, शपथ भोलि ४ बजेपछि
जुरिखेतमा ‘स्कारपियो’ दुर्घटनामा छ जना घाइते
एमाले बागमतीले बोलायो संसदीय दलको बैठक
