बागमती प्रदेशको भौतिक पूर्वाधार विकास मन्त्री अमन मास्केले आफ्नो कार्यकालको १०० दिनको उपलब्धि सार्वजनिक गरेका छन् । मन्त्रालयको पहिलो निर्णयबाटै रुग्ण आयोजनाहरूको पहिचान र व्यवस्थापनका लागि अध्ययन समिति गठन गरिएको थियो । समितिको प्रतिवेदन अनुसार ५० वटा रुग्ण आयोजना मध्ये ८ वटा सम्पन्न भएका छन् भने १२ वटामा निर्माण कार्य सुचारु भएको छ ।

मन्त्रालयले विपद्को समयमा तत्काल प्रतिकार्य गर्न द्रुत प्रतिकार्य टोली (QRT) गठन गरेको छ । गत असोज ११ र १२ गतेको अविरल वर्षाका कारण क्षतिग्रस्त भएका हेटौंडा-काठमाडौं जोड्ने तीन मुख्य सडकसहित सिन्धुली, काभ्रे, रामेछाप र सिन्धुपाल्चोक लगायतका जिल्लाका सडकहरूको मर्मत गरी दशैंको समयमा यातायात सुचारु गरिएको छ ।

यस अवधिमा मन्त्रालयले ८ किलोमिटर कालोपत्रे, ९ किलोमिटर सडक ढलान र १२ किलोमिटर ग्राभेल निर्माण सम्पन्न गरेको छ । त्यस्तै २२ किलोमिटर सडक र २५ वटा पुल तथा कल्भर्टको मर्मत गरिएको छ । लक्षित वर्गको आवास कार्यक्रम अन्तर्गत ३५ वटा जनता आवास, ११ वटा चेपाङ आवास र ६५ वटा खरको छाना मुक्त आवास निर्माण सम्पन्न भएको छ । साथै ५५ वटा सरकारी भवन तथा आवास मर्मत गरिएको छ ।

संबन्धित शिर्षकहरु

१०० भन्दा बढी नयाँ कानुन ल्याइँदै, मन्त्रालयहरू विधेयक निर्माणमा तलिन

मन्त्रिपरिषद् बैठकले आज गरेको निर्णयहरू

पाँच वर्षमा स्वास्थ्यमा आठ प्रतिशत बजेट पुर्‍याउने सरकारको प्रतिबद्धता

यो पनि हेर्नुहोस

यी हुन् कांग्रेस केन्द्रीय कार्यसम्पादन समितिका १० एजेन्डा

कसरी हुँदै छ राष्ट्रिय आर्थिक गणना, के-के तथ्यांक खोजिॅंदैछ?

सरकारले जारी गरेको राष्ट्रिय प्रतिबद्धतापत्र