बागमती प्रदेश सरकारले आफ्नो कार्यकालको एक सय दिन पूरा गरेको अवसरमा उपलब्धिहरू सार्वजनिक गरेको छ । मुख्यमन्त्री बहादुर सिंह लामाको नेतृत्वमा आयोजित पत्रकार सम्मेलनमा सरकारले गरेका कामहरूको विवरण प्रस्तुत गरियो ।
प्रदेश सरकारले प्रमुख उपलब्धिका रूपमा तीन वटा नयाँ ऐन जारी गरेको, दोस्रो आवधिक योजना कार्यान्वयनमा ल्याएको र भौतिक पूर्वाधार विकासमा केही प्रगति गरेको जनाएको छ । तर विश्लेषकहरूका अनुसार अधिकांश उपलब्धि भनिएका कामहरू नियमित प्रशासनिक कार्यहरू मात्र हुन् ।
मुख्यमन्त्री लामाले कर्मचारी अभावका कारण कार्यसम्पादनमा चुनौती रहेको स्वीकार गर्दै विपद् व्यवस्थापनमा कानुनी जटिलताले समेत काम गर्न कठिन भएको बताए । गत असोजको बाढीपहिरोको क्षति न्यूनीकरणमा भने सरकारले केही महत्वपूर्ण काम गरेको जनाइएको छ ।
सरकारका अन्य उपलब्धिमा संवैधानिक नियुक्ति, रुग्ण आयोजनाको पहिचान, खानेपानी कार्यालय स्थापना र विद्युतीय चालक अनुमतिपत्र प्रणालीको विकास रहेका छन् । कार्यक्रममा भौतिक पूर्वाधार विकासमन्त्री अमनकुमार मास्के र आन्तरिक मामिला तथा कानुनमन्त्री सुरजचन्द्र लामिछानेले पनि विपद्को समयमा आफ्ना मन्त्रालयले गरेका कामहरूको जानकारी दिए ।
१०० भन्दा बढी नयाँ कानुन ल्याइँदै, मन्त्रालयहरू विधेयक निर्माणमा तलिन
मन्त्रिपरिषद् बैठकले आज गरेको निर्णयहरू
मन्त्रिपरिषद्को बैठक आज बस्दै
पाँच वर्षमा स्वास्थ्यमा आठ प्रतिशत बजेट पुर्याउने सरकारको प्रतिबद्धता
९ बुँदे आचारसंहिता जारी गर्यो सञ्चार मन्त्रालयले
