बागमती प्रदेशका मुख्यमन्त्री बहादुर सिंह लामाले भ्रष्टाचार नियन्त्रणका लागि सबै निकाय र पक्षहरूको एकीकृत प्रयास महत्वपूर्ण रहेको बताउनुभयो।
सोमबार हेटौंडामा भ्रष्टाचार विरुद्धको अन्तर्राष्ट्रिय दिवस २०८१ को अवसरमा आयोजित अन्तर्क्रिया कार्यक्रममा उनले भ्रष्टाचार नियन्त्रणका लागि नयाँ र प्रविधिमैत्री विधि विकास गर्न आवश्यक रहेको बताउनुभयो।
मुख्यमन्त्री लामाले राजनीतिक दल, जनप्रतिनिधि, कर्मचारी र आम नागरिकको सम्पत्ति पहिचान गर्नुपर्ने र केवल ऐन कानुन ल्याएर मात्र भ्रष्टाचार नियन्त्रण हुन नसक्ने बताउनुभयो।
कार्यक्रममा बागमती प्रदेशका आन्तरिक मामिला तथा कानुन मन्त्री सुरजचन्द्र लामिछानेले पनि भ्रष्टाचार विकास र समृद्धिको प्रमुख बाधक रहेको स्पष्ट पार्नुभएको छ। वर्तमान आर्थिक वर्षको पहिलो ५ महिनामा ५४१ वटा भ्रष्टाचारका उजुरी दर्ता भएका छन्।
अख्तियार दुरुपयोग अनुसन्धान आयोगका कार्यालय प्रमुख उमाकान्त आचार्यले शासकीय संरचनामा सुधार र सार्वजनिक सेवा प्रवाहलाई चुस्त बनाउँदा भ्रष्टाचार नियन्त्रण गर्न सकिने बताउनुभयो।
कार्यक्रम प्रदेश प्रमुख सचिव डा. हरिप्रसाद लम्सालको सभाध्यक्षतामा सम्पन्न भएको थियो भने प्रदेशका विभिन्न मन्त्री अरुको उपस्थिति, सचिव र कर्मचारीहरू सहभागी भएका थिए। 
यूएईसँग टी-२०आई खेल दीपेन्द्रको कप्तानीमा
१०० भन्दा बढी नयाँ कानुन ल्याइँदै, मन्त्रालयहरू विधेयक निर्माणमा तलिन
मन्त्रिपरिषद् बैठकले आज गरेको निर्णयहरू
मन्त्रिपरिषद्को बैठक आज बस्दै
पाँच वर्षमा स्वास्थ्यमा आठ प्रतिशत बजेट पुर्याउने सरकारको प्रतिबद्धता
