प्रदेश युवा परिषद्:मनहरीमा युवा सीप तालिम सुरु

नेपाल कलम संवाददाता

२८ माघ २०८१, सोमबार प्रकाशित

बागमती प्रदेश युवा परिषद्को आयोजनामा मनहरी-१ मा आर्थिक वर्षको पहिलो युवा सीप तालिम कार्यक्रम सोमबार सुरु भएको छ।

प्रदेश युवा परिषद्का कार्यकारी उपाध्यक्ष सन्तोष चौलागाईंको प्रमुख आतिथ्यतामा सुरु भएको कार्यक्रमको मुख्य उद्देश्य युवाहरूलाई व्यावसायिक सीप प्रदान गरी स्वरोजगार बनाउने रहेको छ।

कार्यक्रममा बोल्दै उपाध्यक्ष चौलागाईंले युवाहरूलाई सीपसँगै आत्मनिर्भर बन्न आह्वान गरे। उनले नयाँ प्रविधि र लगानीका क्षेत्रमा युवा परिषद्ले विकास साझेदारहरूसँग समन्वय गरिरहेको जानकारी दिए।

कार्यक्रमका सभाध्यक्ष मनहरी गाउँपालिका वडा १ का अध्यक्ष शिवप्रसाद खनालले, “युवा हाम्रो राष्ट्रको भविष्य हुन्। गुणस्तरीय सीप सिकेर उनीहरूले रोजगारसृजना र व्यापारिक क्षेत्रमा नयाँ पहिलाहरू खोल्न सक्नेछन्” भन्दै सहभागीहरूलाई जोश र उत्साहका साथ प्रोत्साहित गरे। उहाँले साथै, “हाम्रो दैनिक सामाजिक सञ्जालहरूमा उपलब्ध अवसरका सूचना हरेक युवाले समयमै प्राप्त गर्नुपर्छ” भनेका छन्।

सहभागी प्रशिक्षार्थी चन्द्रबहादुर गोलीले वैदेशिक रोजगारीबाट फर्किएपछि सीपको महत्व बुझेर तालिममा सहभागी भएको बताए। त्यस्तै, सिलाई तालिम लिन आएकी मिरा नेपालीले पारिवारिक जिम्मेवारीका कारण पढाई छाडेपछि सीप सिकेर आफ्नै गाउँमा केही गर्ने योजना रहेको बताइन्।