बागमती गोल्डकप: एपीएफ र हानामी बिएफसीबीच प्रतिस्पर्धा

नेपाल कलम संवाददाता

४ फाल्गुन २०८१, आईतवार प्रकाशित

सातौं संस्करणको बागमती गोल्डकप राष्ट्रिय फुटबल प्रतियोगिता अन्तर्गत आज आइतबार एक खेल हुँदैछ। बागमती-४ स्थित सहिद स्मृति रंगशालामा हुने खेलमा सशस्त्र प्रहरी बल (एपीएफ) र चितवनको हानामी बिएफसी आमनेसामने हुँदैछन्।

दुई टिमबीचको खेल दिउँसो २ बजे सुरु हुनेछ। आजको विजयी टिमले संकटा क्लबसँग प्रतिस्पर्धा गर्नेछ। प्रतियोगितामा ए डिभिजनका ७ टिम र मोफसलका ३ टिम सहभागी छन्।

प्रतियोगिता आगामी फागुन १२ गतेसम्म सञ्चालन हुनेछ। आयोजकका अनुसार बागमती गोल्डकपले राष्ट्रिय तथा मोफसल स्तरका खेलाडीहरूलाई प्रतिभा देखाउने अवसर प्रदान गर्दै आएको छ।

४ फाल्गुन २०८१, आईतवार प्रकाशित

तपाईको प्रतिक्रिया