प्रतियोगिताका विजयीलाई राष्ट्रिय युवा संघ नेपाल लेखा आयोगका प्रमुख सन्तोष चौलागाईंले क्रमशः प्रथमलाई तीन हजार, दोस्रोलाई दुई हजार र तेस्रोलाई एक हजार रुपैयाँ नगद पुरस्कार प्रदान गरे।

हेटौंडा–९ कर्रास्थित गुम्बा चोकबाट सुरु भएको यो म्याराथनमा सहभागीहरुले ४० मिनेटभित्र मानव सेवा आश्रमसम्मको फोहोर संकलन गर्नु पर्ने नियम रहेको थियो। तोकिएको समयभित्र बढी तौलको प्लास्टिकजन्य फोहोर संकलन गर्ने आधारमा विजेता छनोट गरिएको थियो।

कार्यक्रमको उद्घाटन नेकपा एमालेका केन्द्रीय सदस्य रामेश्वर राना, बागमती प्रदेश कमिटी सदस्य एवं प्रदेश सभा सदस्य एकालाल श्रेष्ठ तथा राष्ट्रिय युवा संघ नेपाल लेखा आयोगका प्रमुख सन्तोष चौलागाईंले संयुक्त रूपमा रिबन काटेर गरेका थिए।

म्याराथन प्रतियोगितामा ६० जना युवा सहभागी भएका थिए।