बागमती प्रदेशका पूर्व मुख्यमन्त्री डोरमणि पौडेलले नेपालमा राजतन्त्र फर्काउने दिवा सपना नदेख्न चेतावनी दिँदै, संविधानले राजतन्त्रलाई अस्वीकार गरिसकेको र त्यसको पुनरागमन असम्भव रहेको उल्लेख गर्नुभयो। गणतन्त्र स्थापनापछिका उपलब्धिहरू पूर्ण रूपमा उजागर हुन नसक्दा प्रतिगामी सोच बलियो भएको भन्दै सचेत रहन उहाँले आग्रह गर्नुभयो।

कार्यक्रममा एमाले केन्द्रीय सदस्य केदार न्यौपाने, भूमि आयोग मकवानपुरका अध्यक्ष बलराम बल, बागमती प्रदेशसभा सदस्य एकालाल श्रेष्ठ लगायत नागरिक समाजका अगुवाहरूको उपस्थिति रहेको थियो। कार्यक्रम एमाले मकवानपुरका अध्यक्ष श्रीधर पोखरेलको सभाध्यक्षतामा सम्पन्न भएको थियो।