दोस्रो खेल हेटौंडा–९ र हेटौंडा–१६ बीच प्रतिस्पर्धात्मक रह्यो। निर्धारित समयसम्म दुवै टिमले गोल गर्न नसक्दा खेल टाइब्रेकरमा पुगेको थियो। टाइब्रेकरमा हेटौंडा–९ ले ४–२ को नतिजा निकाल्दै जित दर्ता गर्‍यो।

पहिलो खेलमा हेटौंडा–३ का विजय दोङ र दोस्रो खेलमा हेटौंडा–९ का गोलरक्षक मन्दीप घलान म्यान अफ द म्याच घोषित भए। उनीहरूले जनही नगद २ हजार रुपैयाँ पुरस्कार प्राप्त गरे।

उपमहानगरपालिकाको सहयोगमा सञ्चालनमा आएको प्रतियोगिताको विजेता टिमले २ लाख ५० हजार रुपैयाँसहित शिल्ड, मेडल र प्रमाणपत्र प्राप्त गर्नेछ भने उपविजेता टिमलाई २ लाख रुपैयाँसहित शिल्ड, मेडल र प्रमाणपत्र प्रदान गरिनेछ।

प्रतियोगितामा उत्कृष्ट खेलाडीलाई २० हजार रुपैयाँ पुरस्कार दिइनेछ। यस्तै, उत्कृष्ट फरवार्ड, मिडफिल्ड, डिफेन्डर, गोलरक्षक र प्रशिक्षकले जनही १०/१० हजार रुपैयाँसहित ट्रफी प्राप्त गर्नेछन्।