कार्यक्रमको दोस्रो दिन सम्पन्न युवा संसदको चुनावमा विभिन्न मन्त्रालयको जिम्मेवारी विभिन्न जिल्लाका युवाहरूले पाएका थिए। जसअनुसार मकवानपुरका रिजन जि.सी. मुख्यमन्त्री, काभ्रेपलाञ्चोककी विषय पौडेल सभामुख, नुवाकोटका महेन्द्र तामाङ उपसभामुख, चितवनकी पुनम गौतम प्रदेश प्रमुख चयन भएका छन्।

त्यस्तै, सिन्धुलीका शेषकान्त दाहाल अर्थ तथा योजना मन्त्री, नुवाकोटका सुमन शाक्य कृषि, पशुपन्छी विकास, खानेपानी, ऊर्जा तथा सिँचाइ मन्त्री, काठमाडौँकी अस्मि डंगोल आन्तरिक मामिला तथा कानून मन्त्री, रामेछापका सनिश नेपाली भौतिक पूर्वाधार मन्त्री, दोलखाकी आशा कोईराला युवा, खेलकुद, स्वास्थ्य तथा सामाजिक विकास मन्त्री र दोलखाकी सम्पूर्ण खत्री श्रम, रोजगार तथा यातायात मन्त्री बनेका छन्।

कार्यक्रममा सहभागी युवाहरुले वास्तविक संसदको अभ्यासमार्फत नेतृत्व क्षमता अभिवृद्धि गर्ने अवसर पाएका थिए।