यसअघि शुक्रबार कांग्रेसका चार मन्त्रीले असन्तुष्टि जनाउँदै मुख्यमन्त्रीलाई राजीनामा बुझाएका थिए। तर, मुख्यमन्त्री बहादुर सिंह लामाले राजीनामा स्वीकृत नगरी उनीहरूलाई केही घण्टामै बर्खास्त गरेका थिए। त्यसपछि दलभित्रको विवाद थप चुलिएको हो।

यसैबीच, संसदीय दल नेताको पुनः प्रतिस्पर्धाको चर्चा समेत सुरु भएको छ। वर्तमान दल नेता बहादुर सिंह लामा र पूर्वउम्मेदवार सांसद इन्द्रबहादुर बानियाँबीच पुनः प्रतिस्पर्धा हुने सम्भावना देखिएको छ। २०७९ पुस १३ गते भएको निर्वाचनमा लामाले बानियाँलाई ५ मतको झिनो अन्तरले हराएका थिए। त्यसबेला लामा पक्षमा २१ र बानियाँ पक्षमा १६ मत थिए। तर, अहिले समर्थनको समीकरण उल्टिएको संकेत देखिएको छ।

आफ्नो पद जोगाउने कसरतमा रहेका लामा काठमाडौंबाट हेटौंडातर्फ प्रस्थान गरिसकेका छन्।