अन्तर्राष्ट्रिय युवा दिवस २०२५ को अवसरमा राष्ट्रिय युवा संघ नेपाल बागमती प्रदेश समितिद्वारा आयोजित मेन्स डबल ब्याडमिन्टन प्रतियोगिता भव्यताका साथ सम्पन्न भएको छ।
कार्यक्रमको अध्यक्षता संयोजक हरि शरण जमकटेलले गरेका थिए भने नेकपा एमाले स्थायी कमिटी सदस्य तथा जनसंगठन समन्वय संयन्त्रका प्रमुख भानुभक्त ढकाल प्रमुख अतिथि रहेका थिए। पार्टी केन्द्रीय सदस्य एवं युवा संघका इञ्चार्ज राजिव पाहारी, संगठनका अध्यक्ष क्षितिज थेबे, उपाध्यक्ष द्वय महाराज गुरुङ र विनय शाह, महासचिव महेश चौलागाई, उप–महासचिव उपेन्द्र साहि, सचिव मदन भण्डारी, कार्यालय प्रमुख राजु तिवारी लगायत युवा संघको केन्द्रीय नेतृत्वको आतिथ्यमा कार्यक्रम सम्पन्न भएको हो।
बागमती प्रदेशका विभिन्न जिल्लाबाट प्रतिनिधित्व गर्दै २४ टिमले प्रतियोगितामा सहभागिता जनाएका थिए। खेल सभ्य र सौहार्दपूर्ण वातावरणमा सम्पन्न गर्न सहयोग पुर्याउने मुख्य प्रशिक्षक सुदिप योञ्जन, अन्य रेफ्री तथा सम्पूर्ण खेलाडीलाई आयोजकले धन्यवाद ज्ञापन गरेको छ।
प्रतियोगितामा राम मल्ल ठकुरी/लक्ष्मण मल्ल ठकुरीको टिम प्रथम, कमल लामा/गोबिन्द थापाको टिम द्वितीय, तथा सिरोर्ड सुवाल/संयोग बस्नेत र विश्वराज आले/राकेश डंगोलको टिम तृतीय स्थानमा रहे। विजयी टिमलाई आयोजक समितिले हार्दिक बधाई दिएको छ।
निर्वाचन आयोगले गर्यो सार्वजनिक समानुपातिक सांसदको बिबरण (नामावलीसहित)
जिल्लास्तरीय पुरुष भलिबलको सेमिफाइनल समीकरण पूरा
