मकवानपुरको कैलाश गाउँपालिकाका पाँच विद्यालयलाई फुटबल खेलका सामाग्री हस्तान्तरण गरिएको छ । चाइल्ड रिच नेपालको सहयोगमा प्रदान गरिएको उक्त सामाग्री मंगलबार वडा नम्बर ३ स्थित भवानी माध्यामिक विद्यालयमा आयोजित कार्यक्रममा हस्तान्तरण गरिएको हो ।
गाउँपालिका अध्यक्ष लोकबहादुर मुक्तानको प्रमुख आतिथ्यतामा सम्पन्न कार्यक्रममा संस्थाका सहायक कार्यक्रम संयोजक पुजा रानामगरले विद्यालय स्तरमै खेलाडी उत्पादन गर्ने उद्देश्यले सामाग्री वितरण गरिएको जानकारी दिइन् । उनका अनुसार भवानी माध्यामिक विद्यालयसँगै व्यास माध्यामिक विद्यालय (वडा ६), कमलादेवी माध्यामिक विद्यालय (वडा २), रत्नज्योति मावि (वडा १०) र कालिका मावि (वडा ९) लाई सामाग्री हस्तान्तरण गरिएको हो ।
पाँचै विद्यालयलाई ३० थान ट्रेनिङ विप्स, ६० वटा ग्राउण्ड मार्कर, २५ थान कोन, ६ वटा फुटबल र ३० थान जर्सी वितरण गरिएको रानामगरले बताइन् । “विद्यालयबाटै खेलकुदको विकास होस् भन्ने उद्देश्यले यो कार्यक्रम सञ्चालन गरेका हौं,” उनले भनिन् ।
कार्यक्रममा अध्यक्ष मुक्तानले सामाग्रीको सदुपयोग गर्दै भावी खेलाडी उत्पादनमा जोड दिन विद्यालयलाई आग्रह गरे । साथै, उनले संस्थालाई धन्यवाद ज्ञापन गर्दै आगामी दिनमा सहकार्यका साथ अघि बढ्ने प्रतिवद्धता व्यक्त गरे ।
सामाग्री हस्तान्तरण कार्यक्रममा गाउँपालिकाका निमित्त प्रमुख प्रशासकीय अधिकृत एवम् शिक्षा, युवा तथा खेलकुद शाखा प्रमुख समीर जोशी, विद्यालयका प्रधानाध्यापक बालचन्द्र मल्लसहित शिक्षक तथा स्थानीयको उपस्थिति रहेको थियो ।
बागमती प्रदेश सरकार बजेट पुनरावलोकन गर्ने तयारी
आगोले ध्वस्त भएको कृषि मन्त्रालय अस्थायी रुपमा निर्देशनालय भवनबाट सञ्चालन
आन्दोलनमा जलेर ध्वस्त बागमती प्रदेश सभा, क्यान्टिनबाट कामकाज सञ्चालन
बालबालिकाको उज्ज्वल भविष्य सुनिश्चित गर्नु सबैको साझा जिम्मेवारी हो : प्रदेश प्रमुख देवकोटा
पूर्वप्रधानन्यायाधीश सुशीला कार्की प्रधानमन्त्री नियुक्त, संविधानको धारा ६१ मा आधारित अन्तरिम सरकार गठन
