आरआरएन संस्थाको सहजीकरणमा स्थानीयका घरघरमा शौचालय निर्माण, खानेपानी मिटर, फिल्टर तथा करेसाबारी व्यवस्थापन गरिएको छ। वडा नम्बर ३ का अध्यक्ष उत्तम वाइबाले खुला दिशामुक्त घोषणा भएको १२ वर्ष बितिसक्दा पनि अझै शौचालय निर्माणका लागि आग्रह गर्नुपरेको बताए। “अब शौचालय कार्ड लागू गरिएको छ,” उनले भने, “यो नहुँदा सुरक्षा भत्ताजस्ता सेवासमेत रोकिन सक्छन्, त्यसका लागि वडाले सिफारिस नगर्न सक्छ।”

सरसफाइ अभियानका लागि भवन निर्माण गर्न स्थानीय दलबहादुर स्याङ्तानले १० धुर जग्गा उपलब्ध गराएका थिए। उनको निधनपछि उनकी पत्नी राममाया स्याङ्तानलाई गाउँपालिका अध्यक्ष मल्लले दोसल्ला ओढाएर सम्मान गरे।

अभियान सफल बनाउन स्थानीयवासी सक्रिय रूपमा जुटेको र आर्थिक तथा प्राविधिक रूपमा आरआरएनले सहजीकरण गरेको बस्ती पूर्ण सरसफाइ उन्मुख अभियान समितिका अध्यक्ष बाबुलाल स्याङ्तानले बताए।