मकवानपुर जिल्लाको उत्तरी भेगमा अवैध रूपमा गरिएको लागू औषध गाँजा र अफिम खेती प्रहरीले फडानी गरी नष्ट गरेको छ।

यही पुष ११ गतेदेखि १४ गतेसम्म बागमती प्रदेश प्रहरी कार्यालय हेटौँडाको नेतृत्वमा जिल्ला प्रहरी कार्यालय मकवानपुर, बागमती प्रदेश प्रहरी गण हेटौँडा, विपद् व्यवस्थापन गुल्म हेटौँडा तथा मातहतका प्रहरी कार्यालयहरूको संयुक्त टोलीले विशेष अभियान सञ्चालन गरेको हो।

अभियानका क्रममा राक्सीराङ गाउँपालिका वडा न-१, ६, ७ र ८ तथा कैलाश गाउँपालिका वडा न-१, २, ३, ५, ६ र ९ का विभिन्न स्थानहरूमा अवैध रूपमा लगाइएको गाँजा करिब २१ बिगाहा र अफिम करिब ९ बिगाहा गरी कुल ३० बिगाहा क्षेत्रफलको खेती फडानी गरी नष्ट गरिएको प्रहरीले जनाएको छ।

लागू औषधको उत्पादन तथा कारोबार नियन्त्रणका लागि यस्ता अभियानलाई निरन्तरता दिइने जिल्ला प्रहरी कार्यालय मकवानपुरले जनाएको छ।

१५ पुष २०८२, मंगलवार प्रकाशित

संबन्धित शिर्षकहरु

मकवानपुर:सिडियो कार्यालय परिसरमा ‘सुशासन पार्क’ निर्माण, सेवाग्राहीका लागि विश्रामस्थल

हेटौँडा अस्पतालको २०० शय्याको विशिष्टीकृत सेवा भवन उद्घाटन, शैक्षिक भवनको शिलान्यास

मोबाइल, अभिभावकको व्यस्तता र बदलिँदो बालमस्तिष्क

यो पनि हेर्नुहोस

बागमतीमा मुख्यमन्त्रीसहित ८ मन्त्रालय राख्न सुझाव, ७०१ कर्मचारी दरबन्दी कटौती प्रस्ताव

इरानले २०२६ को विश्वकप नखेल्ने, भन्यो, ‘हाम्रा खेलाडी सुरक्षित छैनन्’

मकवानपुरको मनहरीमा प्रहरीमाथि आक्रमण, आत्मरक्षामा गोली चल्दा एक युवक घाइते