हेटौंडा उपमहानगरपालिका–१७ गौरिगाउँस्थित पशुपति पोल्ट्री फर्ममा आगलागी हुँदा १५ हजारभन्दा बढी कुखराका चल्ला जलेर मरेका छन्।

हेटौंडा–८ कमानेका राजु अधिकारीले सञ्चालन गरेको उक्त फर्ममा चल्ला ब्रुडिङ गर्ने क्रममा प्रयोग गरिएको ग्यास बुडरको तापक्रम अत्यधिक बढ्दा भुइँमा ओछ्याइएको भुसमा आगो सल्किएर आगलागी भएको बागमती प्रदेश प्रहरी कार्यालय हेटौंडाले जनाएको छ।

आगलागीका बेला सोही खोरमा ३ दिनका १६ हजार १८२ वटा चल्ला रहेका थिए। तीमध्ये ९ सय चल्ला सुरक्षित रूपमा उद्धार गरिएको भए पनि बाँकी १५ हजार २८२ चल्ला जलेर मरेका प्रहरीले जानकारी दिएको छ।

स्थानीयवासी तथा प्रहरीको सहयोगमा आगो नियन्त्रणमा लिइएको थियो। आगलागीबाट मानवीय क्षति तथा अन्य भौतिक संरचनामा भने कुनै क्षति नभएको जनाइएको छ।

१९ पुष २०८२, शनिबार १९:२१ प्रकाशित

संबन्धित शिर्षकहरु

हेटौँडामा सहिद दिवस–२०८२ सप्ताहव्यापी रूपमा मनाइने

कैलाश गाउँपालिकाले २ करोड ५१ लाख रुपैयाँ संशोधित बजेट पारित, विभिन्न व्यक्ति र चेली सम्मानित

थारु कला संस्कृति संरक्षणका लागि खैरहनीमा ११औं खिचरा महोत्सव–२०८२ सुरु

यो पनि हेर्नुहोस

संयुक्त चेकजाँचमा १ सय११ मध्ये ११ सवारी चालक लागूऔषध सेवन गरेको पुष्टि

हेटौंडामा अत्याधुनिक पानी परीक्षण प्रयोगशाला सञ्चालनमा

हेटौँडाको राप्ती खोलामा डुबेर एक महिला मृत फेला