मकवानपुरको इन्द्रसरोवर गाउँपालिका–१, मार्खुचौरस्थित मार्खु–कंलकी सडकखण्डमा मिनरल वाटर बोकेको आईचर गाडी इन्द्रसरोवर तालमा खसेको छ।
कंलकीबाट मार्खुतर्फ आउँदै गरेको बा ३ ख ३९५४ नम्बरको आईचर गाडी पानी झार्ने क्रममा अचानक अगाडि बढ्दा सडकबाट करिब १५ मिटर तल तालमा खसेको प्रहरीले जनाएको छ।
Advertisement
घटनाको जानकारी प्राप्त हुनासाथ अस्थायी प्रहरी पोस्ट मार्खु, मकवानपुरबाट प्रहरी सहायक निरीक्षक दिपेश यादवको कमाण्डमा प्रहरी टोली तत्काल घटनास्थलमा खटिएको थियो। हाल गाडी तालको पानीमा डुबेर बाहिर नदेखिने अवस्थामा रहेको र निकाल्ने कार्यका लागि आवश्यक पहल भइरहेको प्रहरीले जानकारी दिएको छ।
दुर्घटनामा कुनै पनि मानवीय क्षति नभएको प्रहरीको पुष्टि छ। दुर्घटनास्थल अस्थायी प्रहरी पोस्ट मार्खुबाट करिब ७ सय मिटर पूर्वतर्फ रहेको छ।
तपाईको प्रतिक्रिया
संबन्धित शिर्षकहरु
श्रमिक अधिकारको संरक्षण र रोजगारी विस्तारमा जोड: मुख्यमन्त्री बानियाँ
चितवनमा दोस्रो संस्करणको ‘चितवन अटो शो २०२६’ सुरु, ५० करोड कारोबार लक्ष्य
मकवानपुरमा अर्धमासिक तलब भुक्तानी सुरु, हेटौंडा खानेपानी बोर्ड अगाडि
यो पनि हेर्नुहोस
