२०७६/०७७ मा वागमती प्रदेश कमिटी सदस्य हुँदै उपमहासचिवको भूमिकामा सक्रिय रहेका उनी एमाले–माओवादी एकतापछि बनेको नेकपाको केन्द्रीय सदस्य बने। २०८० मा एमालेको मनोनित केन्द्रीय सदस्य र २०८२ को ११औँ महाधिवेशनबाट निर्वाचित केन्द्रीय सदस्यको जिम्मेवारीमा छन्।

२०७९ सालको प्रतिनिधि सभा निर्वाचनमा प्रभावशाली नेता तथा आफ्ना राजनीतिक गुरु बिरोध खतिवडालाई पराजित गर्दै बर्तौला मकवानपुर क्षेत्र नम्बर २ बाट प्रतिनिधि सभा सदस्य निर्वाचित भए। संसदमा उनले एमालेको सचेतक, मुख्य सचेतक हुँदै सरकारको प्रमुख सचेतकको जिम्मेवारीसमेत निर्वाह गरे।

संसदमा उनले कानून, न्याय तथा मानव अधिकार समिति, प्रतिनिधि सभा–राष्ट्रिय सभाको संयुक्त समिति लगायत विभिन्न संसदीय समितिमा सक्रिय भूमिका निर्वाह गरेका छन्। अन्तर्राष्ट्रियस्तरमा संयुक्त राष्ट्रसंघको सभा (अमेरिका), बेलायतमा संसदीय अध्ययन भ्रमण, स्विट्जरल्यान्डको जेनेभामा सम्पन्न अन्तर–संसदीय संघ (IPU) सभा तथा चीन र भारत भ्रमणमार्फत उनले अन्तर्राष्ट्रिय राजनीति र विकाससम्बन्धी अनुभव हासिल गरेका छन्।

४२ वर्षको उमेरमै उल्लेखनीय राजनीतिक सफलता हासिल गरेका बर्तौला शैक्षिक रूपमा पनि अब्बल छन्। व्यवस्थापन संकाय र राजनीतिशास्त्रमा स्नातकोत्तर (एमए) पूरा गरिसकेका उनी विधिशास्त्रका विद्यार्थीसमेत हुन् र एलएलबी उत्तीर्ण गरेका छन्।

हाल उनी २०८२ को प्रतिनिधि सभा निर्वाचनमा मकवानपुर निर्वाचन क्षेत्र नम्बर २ बाट दोस्रोपटक प्रतिस्पर्धामा छन्। युवामाझ मात्र होइन, सबै उमेर समूहका मतदातामाझ लोकप्रिय नेताका रूपमा बर्तौलाको राजनीतिक यात्रा निरन्तर प्रगतिशील देखिएको छ।