निर्वाचन आयोगले प्रतिनिधि सभा सदस्य निर्वाचन, २०८२ को पूर्वतयारी अन्तर्गत मतपत्र छपाइ तथा प्याकिङ्ग कार्य तीव्र रूपमा अघि बढाएको छ। आयोगका अनुसार शुक्रबार बिहान ८:०० बजेसम्म ७० निर्वाचन क्षेत्रका जम्मा ८४ लाख ४० हजार मतपत्र छपाइ सम्पन्न भइसकेको छ।
प्रतिनिधि सभा सदस्य निर्वाचनका लागि जनक शिक्षा सामग्री केन्द्र लिमिटेड, सानोठिमीमा समानुपातिक निर्वाचन प्रणाली (PR) र पहिलो हुने निर्वाचित हुने निर्वाचन प्रणाली (FPTP) अन्तर्गत प्रयोग हुने १० लाख ९८ हजार २०० नमूना मतपत्र २०८२ पुस २२ गतेदेखि छपाइ गरी विभिन्न जिल्लामा पठाइसकिएको आयोगले जनाएको छ।
त्यसैगरी, २०८२ पुस २६ गतेदेखि सुरु गरिएको समानुपातिक निर्वाचन प्रणाली (PR) तर्फको मतपत्र छपाइ २०८२ माघ १३ गतेसम्म आवश्यक पर्ने जम्मा २ करोड ८ लाख ३० हजार मतपत्र छपाइ पूरा गरी प्याकिङ्ग, रुजु तथा ढुवानीका लागि तयारी अवस्थामा राखिएको छ।
पहिलो हुने निर्वाचित हुने निर्वाचन प्रणाली (FPTP) अन्तर्गत आवश्यक पर्ने कुल २ करोड ३ लाख २३ हजार मतपत्रमध्ये माघ २३ गते बिहान ८:०० बजेसम्म ७० निर्वाचन क्षेत्रका ८४ लाख ४० हजार मतपत्र छपाइ भई ७ हजार १३४ बाकसमा प्याकिङ्ग सम्पन्न भएको छ।
आयोगका अनुसार हालसम्म डोल्पा, मुगु, जुम्ला, कालिकोट, हुम्ला, जाजरकोट, दैलेख, रुकुम (पश्चिम), सल्यान, सुर्खेत, बाजुरा, अछाम, बझाङ, डोटी, डडेल्धुरा, दार्चुला, बैतडी, कैलाली, कञ्चनपुर, पाँचथर, इलाम, तेह्रथुम, भोजपुर, ओखलढुङ्गा, सुनसरी, ताप्लेजुङ, संखुवासभा, सोलुखुम्बु, खोटाङ, धनकुटा, बागलुङ र गुल्मी गरी जम्मा ३२ जिल्लाको मतपत्र छपाइ तथा प्याकिङ्ग कार्य सम्पन्न भइसकेको निर्वाचन कार्यालयले जानकारी दिएको छ।

संबन्धित शिर्षकहरु

१०० भन्दा बढी नयाँ कानुन ल्याइँदै, मन्त्रालयहरू विधेयक निर्माणमा तलिन

मन्त्रिपरिषद् बैठकले आज गरेको निर्णयहरू

मन्त्रिपरिषद्को बैठक आज बस्दै

यो पनि हेर्नुहोस

पाँच वर्षमा स्वास्थ्यमा आठ प्रतिशत बजेट पुर्‍याउने सरकारको प्रतिबद्धता

९ बुँदे आचारसंहिता जारी गर्‍यो सञ्चार मन्त्रालयले

यी हुन् कांग्रेस केन्द्रीय कार्यसम्पादन समितिका १० एजेन्डा