नेकपा (एमाले) मकवानपुर निर्वाचन क्षेत्र नम्बर २ का उम्मेदवार महेश कुमार बर्तौलाले आफू किसानका समस्या र पीडा नीति निर्माण तहसम्म पुर्‍याउने “भरिया” भएको बताउनुभएको छ। निर्वाचन लक्षित कार्यक्रमअन्तर्गत सोमबार मकवानपुरगढी गाउँपालिकाका विभिन्न वडामा मतदातासँग अन्तरक्रिया गर्दै उहाँले यस्तो धारणा व्यक्त गर्नुभएको हो।

बर्तौलाले मकवानपुरगढी–५ र ६ का डुम्रेकुना, झल्ला, बुँदल, धादिङ, भालुखोला, बागदली र ज्यामिरे क्षेत्रमा पुगेर स्थानीय समस्या सुन्नुका साथै भावी योजना सार्वजनिक गर्नुभयो। एमालेका निर्वाचन फोकल पर्सन आशिष अस्लामीका अनुसार बर्तौलाले अघिल्लो ३२ महिने कार्यकालमा मल, बीउ, तरकारीको मूल्य, खसीबोकाको बजारीकरण र दुग्ध किसानको भुक्तानीका विषयमा निरन्तर संसदमा आवाज उठाउनुभएको थियो।

अन्तरक्रियामा स्थानीय नेताहरूले सामरी बस्तीको सुरक्षा, अस्पताल व्यवस्थापन, शीतभण्डार सञ्चालन र सडक पूर्वाधारमा बर्तौलाको भूमिकाको अपेक्षा व्यक्त गरे। कार्यक्रममा सहभागीहरूले आगामी फागुन २१ गतेको निर्वाचनमा बर्तौलालाई जिताउन अपिल समेत गरे।

संबन्धित शिर्षकहरु

१०० भन्दा बढी नयाँ कानुन ल्याइँदै, मन्त्रालयहरू विधेयक निर्माणमा तलिन

मन्त्रिपरिषद् बैठकले आज गरेको निर्णयहरू

मन्त्रिपरिषद्को बैठक आज बस्दै

यो पनि हेर्नुहोस

पाँच वर्षमा स्वास्थ्यमा आठ प्रतिशत बजेट पुर्‍याउने सरकारको प्रतिबद्धता

९ बुँदे आचारसंहिता जारी गर्‍यो सञ्चार मन्त्रालयले

यी हुन् कांग्रेस केन्द्रीय कार्यसम्पादन समितिका १० एजेन्डा