अभियानअन्तर्गत मनहरी गाउँपालिकाको श्री भोज सिद्ध विद्यालयमा विद्यार्थी केन्द्रित सचेतना कार्यक्रम सञ्चालन गरिएको थियो। कार्यक्रममा लागुऔषधका शारीरिक, मानसिक, पारिवारिक तथा सामाजिक असर, कानुनी परिणाम, जीवन सीप विकास र सकारात्मक जीवनदृष्टिसम्बन्धी प्रशिक्षणमूलक अन्तरक्रिया गरिएको थियो। शिक्षक, अभिभावक, रिकभरिङ नेपाल बागमती प्रदेशका प्रतिनिधि तथा सिआन पुनर्स्थापना केन्द्रका परामर्शदाताहरूको सहभागिताले कार्यक्रमलाई प्रभावकारी बनाएको आयोजकले जनाएका छन्।

यसका साथै समुदायस्तरमा सन्देश प्रवाहलाई सुदृढ बनाउन गाउँपालिकाका मुख्य चोक, सार्वजनिक स्थल तथा बजार क्षेत्रमा सन्देशमूलक होर्डिङ बोर्डहरू स्थापना गरिएको छ। विद्यालय बाहिर धूम्रपान निषेधित क्षेत्र जनाउने बोर्ड राखिनुका साथै सन्देशमूलक पर्चा तथा जनचेतनामूलक सामग्री वितरण कार्यक्रम पनि सञ्चालन गरिएको छ।

मनहरी गाउँपालिकामा सम्पन्न यी कार्यक्रमहरूले लागुऔषध विरुद्धको अभियानलाई जनस्तरदेखि नीतिगत तहसम्म जोड्दै सामाजिक उत्तरदायित्व, सहकार्य र सचेतनाको सशक्त वातावरण निर्माण गरेको सरोकारवालाहरूले बताएका