त्यसैगरी, बागमती प्रदेश कमिटी सचिवालय सदस्य रघुनाथ खुलालले स्थानीय तहसम्म विकासको पहुँच विस्तार हुनु, बजेटको ठूलो हिस्सा स्थानीय तहमा विनियोजन हुनु तथा ज्येष्ठ नागरिक, अपाङ्गता भएका व्यक्ति, एकल महिला र दलितलाई सामाजिक सुरक्षा भत्ता प्रदान गरिनु एमालेकै नीतिको परिणाम भएको उल्लेख गर्नुभयो। एमाले सरकारले गरेका कामको मूल्यांकन गरेर मतदाताले सूर्य चिन्हमा मतदान गर्नेमा आफू विश्वस्त रहेको उहाँले बताउनुभयो।

उहाँले पार्टी जनप्रिय भएकै कारण विभिन्न प्रहार भइरहेको उल्लेख गर्दै न्यायपूर्ण मतदानमार्फत फागुन २१ गतेपछि एमालेको बहुमतसहितको सरकार बन्ने दाबी गर्नुभयो।

कार्यक्रममा नेकपा एमाले जिल्ला उपसचिव आरती पाठक, जिल्ला सदस्यहरू शिवहरी दाहाल, मिलन पाठकलगायत विभिन्न तहका नेताहरूको उपस्थिति रहेको थियो।