रानाले मकवानपुरको समग्र विकासका लागि आफूले सशक्त भूमिका खेल्ने विश्वास दिलाउँदै मतदातासँग सहयोग र समर्थनको आग्रह गरेका छन्। घरदैलोका क्रममा स्थानीय बासिन्दाहरूले उनको सरल, जनमुखी र विकासप्रेमी नेतृत्वप्रति भरोसा व्यक्त गर्दै सकारात्मक प्रतिक्रिया दिएका छन्।

घरदैलो कार्यक्रममा देखिएको जनउत्साहले मकवानपुर–१ मा एमालेको चुनावी माहोल थप सुदृढ बन्दै गएको संकेत गरेको नेताहरूको भनाइ छ। कार्यक्रममा नेकपा एमालेका स्थानीय नेता–कार्यकर्ता, शुभेच्छुक तथा समर्थकहरूको उल्लेख्य उपस्थिति रहेको थियो।

निर्वाचन मिति नजिकिँदै जाँदा उम्मेदवार रानाले मतदाताको घरदैलोमै पुगेर जनसमर्थन विस्तार गर्ने अभियानलाई अझ तीव्र बनाउँदै लगेका छन्।