हेटौंडा/नेकपा एमाले तर्फबाट मकवानपुर निर्वाचन क्षेत्र नम्बर–२ का प्रतिनिधिसभा सदस्य पदका उम्मेदवार महेश बर्तौला ले क्षेत्रको दीर्घकालीन भूमि समस्या समाधानका लागि कानूनी सुनिश्चितता गर्ने प्रतिबद्धता व्यक्त गरेका छन्। आफ्ना चुनावी प्रतिबद्धता सार्वजनिक गर्दै उनले मकवानपुर–२ मा देखिएको भूमि स्वामित्व र कानूनी जटिलता समाधानलाई प्राथमिकतामा राख्ने बताएका हुन्।

बर्तौलाले मानव र वन्यजन्तुबीचको द्वन्द्व व्यवस्थापन, पीडितलाई न्यायोचित क्षतिपूर्तिको व्यवस्था तथा मध्यवर्ती क्षेत्रको सिमाना हेरफेरका लागि पहल गर्ने जनाए। पूर्वाधार विकासअन्तर्गत खानेपानी तथा सिँचाइ आयोजना, कृषि र सञ्चार पूर्वाधार, वस्ती संरक्षणका लागि तटबन्धन, सडक तथा पुल निर्माणमा सक्रिय भूमिका खेल्ने प्रतिबद्धता पत्रमा उल्लेख छ।

उनले रूपचन्द्र विष्ट मार्ग (मनहरी–राक्सिराङ–कैलाश–थाहा जोड्ने सडक) निर्माणलाई गति दिने, साथै स्वास्थ्य सेवामा नागरिकको सहज र सरल पहुँच सुनिश्चित गर्ने प्रतिबद्धता व्यक्त गरेका छन्। कृषि क्षेत्रमा ‘खोरेतमुक्त मकवानपुर’ अभियानमार्फत दुग्धजन्य तथा मासुजन्य उत्पादनको बजार विस्तार, बाँदर, बँदेल, मृग, दुम्सी लगायत वन्यजन्तुबाट हुने बाली क्षतिमा न्यायोचित क्षतिपूर्ति र नियन्त्रणका लागि कानूनी तथा संरचनागत व्यवस्था गर्ने उल्लेख छ।

संबन्धित शिर्षकहरु

यूएईसँग टी-२०आई खेल दीपेन्द्रको कप्तानीमा

१०० भन्दा बढी नयाँ कानुन ल्याइँदै, मन्त्रालयहरू विधेयक निर्माणमा तलिन

मन्त्रिपरिषद् बैठकले आज गरेको निर्णयहरू

यो पनि हेर्नुहोस

मन्त्रिपरिषद्को बैठक आज बस्दै

पाँच वर्षमा स्वास्थ्यमा आठ प्रतिशत बजेट पुर्‍याउने सरकारको प्रतिबद्धता

९ बुँदे आचारसंहिता जारी गर्‍यो सञ्चार मन्त्रालयले