“पार्टीलाई जीवित र सुदृढ राख्ने हो भने यथार्थलाई आत्मसात् गर्दै जिम्मेवारी लिनैपर्छ,” उनले उल्लेख गरेका छन्।

यसै सन्दर्भमा उनले आजकै दिनदेखि लागू हुने गरी मकवानपुर एमाले अध्यक्ष पदबाट राजीनामा दिने घोषणा गरेका हुन्।

पोखरेलले अब आउने युवा पुस्तालाई आफ्नो पूर्ण साथ र सहयोग रहने प्रतिबद्धता पनि जनाएका छन्। नयाँ पुस्ताले पार्टीलाई सही दिशा र ढंगबाट अघि बढाउने विश्वास व्यक्त गर्दै उनले आजसम्म प्राप्त सहयोग, माया र सद्भावप्रति सबैलाई धन्यवाद दिएका छन्।

साथै उनले जनमतको सम्मान गर्दै प्रतिनिधिसभामा निर्वाचित सबै उम्मेदवारहरूलाई शुभकामना व्यक्त गरेका छन्।

उनी अस्वस्थ भएका कारण यसपटकको चुनावी अभियान तथा पार्टीका गतिविधिमा सक्रिय रूपमा सहभागी हुन नसकेको पनि जनाइएको छ।