गाउँपालिकाका विद्यालयहरूलाई आवश्यकताअनुसार ल्यापटप र प्रिन्टर समेत हस्तान्तरण गरिएको छ। त्यस्तै, कृषक तथा स्थानीय बासिन्दालाई सामूहिक हाते ट्याक्टर, तरकारी तथा विभिन्न बिउबिजन पनि वितरण गरिएको अध्यक्ष मल्लले जानकारी दिनुभयो।

गाउँपालिकाकी उपाध्यक्ष बनस्थम थिङले न्यायिक समितिसम्बन्धी गतिविधिहरू पनि वडामै सञ्चालन गरिएको बताउनुभयो। उहाँका अनुसार यसले महिलाहरूलाई न्यायिक सेवा, साक्षरता, र लैङ्गिक हिंसा सम्बन्धी विषयमा जानकारी लिन सहज हुनेछ।

त्यसैगरी, युवालाई लघु उद्यम विकासका मोडल, वैदेशिक रोजगारीसम्बन्धी परामर्श, बेरोजगार सूचीकरण फाराम भर्ने व्यवस्था तथा मनोपरामर्शका फाराम वितरण गरिएको थियो। कार्यक्रममा विदेश जान चाहनेहरूलाई आवश्यक परामर्श पनि प्रदान गरिएको जनाइएको छ।

आजको कार्यक्रममा गाउँपालिकाका कृषि, पशु स्वास्थ्य, शिक्षा लगायत शाखाका प्रमुखहरूको उपस्थितिमा कार्यक्रम सम्पन्न भएको प्रमुख प्रशासकीय अधिकृत सन्देश मास्केले जानकारी दिनुभयो।

त्यस्तै, वडा नम्बर १ देखि ४ सम्मका जेष्ठ नागरिकलाई पोषणयुक्त खाना पनि वितरण गरिएको थियो। स्थानीय आवश्यकता र मौसमअनुसार सेवा विस्तार गर्दै जाने गाउँपालिकाले जनाएको छ।