२३ चैत, काठमाडौं । संघीय संसद सचिवालयले आज आयोजना गरेको सर्वदलीय बैठकमा एमालेले खबरदारी गर्ने जानकारी गराएको छ ।
नेकपा एमालेले संसदमा विधिको शासन र संविधानप्रदत्त अधिकारको सुनिश्चिततामा जोड दिँदै सरकारलाई खबरदारी गर्ने भएको छ ।
बैठकपछि एमाले नेता गुरु बरालले पत्रकारहरुसँग भने, ‘विधिको शासन भित्र कानुनको परिपालनाको विषयमा हामी कुनै विवाद गर्दैनौं, त्यसलाई प्रवलीकरण गर्ने काममा हामी लाग्छौं ।जहाँ विधिको शासनमा प्रश्न उठ्छ, जहाँ कानुनको उल्लंघन छ त्यो गम्भीर विषय छ । हामी त्यस विषयमा आवाज बुलन्द गर्ने छौं ।’
संविधान प्रदत्त नागरिकका मौलिक अधिकार, राजनीतिक अधिकार, समानताको हकसँग सम्बन्धित अधिकारहरु सही रुपले प्रयोग गर्न सकौं भनेर सरकारलाई खबरदारी गर्ने जानकारी उनले दिएका हुन् । अन्यथा सरकारको प्रतिवाद गर्ने उनले चेतावनी दिएका छन् ।
‘त्यस विषयमा सरकार कुनै ढंगले विघ्नबाधा नल्याओस् । बिघ्नबाधा सरकारले ल्याए हामी प्रतिवाद गर्नेछौं,’ उनले उल्लेख गरे ।
नयाँ शैक्षिक सत्र १५ वैशाखबाट सुरु गर्ने सरकारको निर्णय
हप्तामा दुई दिन बिदा दिने सरकारको निर्णय
