मकवानपुरको मनहरी गाउँपालिकाका अध्यक्ष रन्जन कालाखेतीले करिब २० लाख रुपैयाँ व्यक्तिगत लगानी गरी सडक ढलान गराएका छन्। मनहरी गाउँपालिका–२ अन्तर्गत कर्मचोकदेखि वडा कार्यालयसम्म पुग्ने करिब २०० मिटर लम्बाइ र ६ मिटर चौडाइको सडक ढलान कार्य सम्पन्न गरी बिहीबार उद्घाटन गरिएको हो।

उक्त सडकको उद्घाटन स्थानीय ज्येष्ठ नागरिक कुलबहादुर स्याङ्तानले रिबन काटेर गरेका थिए। जेनजी आन्दोलनपछि गाउँपालिकामा भएको भौतिक क्षति र बजेट कटौतीका कारण विकास आयोजना प्रभावित बनेपछि स्थानीयको आवश्यकता सम्बोधन गर्न व्यक्तिगत लगानीमा सडक निर्माण गरिएको अध्यक्ष कालाखेतीले बताए।

उनका अनुसार धुलो र प्रदूषणका कारण स्थानीयवासीले सास्ती खेप्दै आएका थिए। गाउँपालिकाबाट प्रस्तावित योजना कटौती गर्नुपर्ने अवस्था आएपछि तत्काल सडक ढलान आवश्यक ठानी आफ्नै लगानीमा काम अघि बढाइएको उनले स्पष्ट पारे। अध्यक्ष कालाखेतीले आफू जनप्रतिनिधि बनेदेखि सरकारी सवारी सुविधा नलिएको र तलबभत्ता समेत जनताकै सेवामा खर्च गर्दै आएको बताएका छन्।

संबन्धित शिर्षकहरु

हेटौँडामा जनजाति सङ्ग्रहालय सञ्चालनको तयारी अन्तिम चरणमा

कांग्रेस संसदीय दल नेतामा ३ जनाको दाबी, निर्वाचन भोलि

एक करोड ५० लाखसम्म ऋण घर किन्न दिँदै- सामाजिक सुरक्षा कोष

यो पनि हेर्नुहोस

शाहरूख खानको ‘किङ’ ले रिलिजअगावै कमायो २ सय ५० करोड भारू

एक महिना नबित्दै दुई मन्त्री बर्खास्तीमा

नेपालमा अर्धमासिक तलब भुक्तानीको निर्णय,अन्तरास्ट्रिय स्तरमा कस्तो छ अभ्यास ?