६२औँ विद्यार्थी एकता दिवसको अवसरमा अखिल (क्रान्तिकारी) मकवानपुरले हेटौँडा–५ स्थित “हाम्रो घर” संस्थामा आश्रित बालबालिकालाई स्टेशनरी सामग्री, खेलकुद सामग्री, पोसाक तथा आर्थिक सहयोग गरेको छ ।
अखिल (क्रान्तिकारी)ले करिब १५ हजार रुपैयाँ बराबरका कपी, कलम लगायत स्टेशनरी सामग्री हस्तान्तरण गर्नुका साथै ५ हजार रुपैयाँ आर्थिक सहयोग गरेको जनाएको छ । विद्यार्थीहरूको अध्ययनलाई सहयोग पुर्याउने उद्देश्यले उक्त सामग्री वितरण गरिएको बताइएको छ ।
२०६५ सालमा स्थापना भएको “हाम्रो घर” संस्थाले आश्रयविहीन बालबालिकाको संरक्षण, अध्ययनका साथै विभिन्न सीप सिकाइ समुदायमा पुनःस्थापना गर्ने कार्य गर्दै आएको छ । हाल संस्थामा १०० भन्दा बढी बालबालिका आश्रित रहेका छन् ।
हस्तान्तरण कार्यक्रममा नेकपा बागमती प्रदेश सचिवालय सदस्य बिबेक राइ, नेकपा हेटौँडा उपमहानगर वडा नं. ७ अध्यक्ष बासु कटुवाल, हाम्रो घर संस्था अध्यक्ष इन्दिरा न्यौपाने डल्लाकोटी, वाइसीएल हेटौँडा–५ अध्यक्ष हरि ढकाल, मकवानपुर जिल्ला फुटबल रेफ्री केदार दुलाल लगायत विभिन्न व्यक्तित्वहरूको उपस्थिति रहेको थियो ।
त्यसैगरी अखिल (क्रान्तिकारी) मकवानपुर जिल्ला सचिव छोईसाङ लामा, सहसचिव सुजन सिलवाल लगायत संगठनका नेता तथा कार्यकर्ताहरूको पनि कार्यक्रममा सहभागिता रहेको थियो
एमालेको जागरण अभियान तथा अभिमुखीकरण कार्यक्रम सम्पन्न
राप्रपाको समर्थनबारे केन्द्र र बागमतीबीच फरक दाबी
बागमतीमा किरण थापाको नेतृत्वमा सरकार गठनको दाबी, शपथ भोलि ४ बजेपछि
जुरिखेतमा ‘स्कारपियो’ दुर्घटनामा छ जना घाइते
एमाले बागमतीले बोलायो संसदीय दलको बैठक
