विद्यालयको प्रशासनिक तथा सङ्गठनात्मक नेतृत्वतर्फ स्कूल क्याप्टेन पदमा कक्षा ९ का श्रीजल स्याङ्तान १३१ मत र स्कूल भाइस क्याप्टेनमा बिबिध राज राई १२० मत प्राप्त गरी विजयी हुनुभएको छ।

यसैगरी विद्यालयका चारवटा हाउस (सदन) तर्फ पनि नयाँ नेतृत्व चयन गरिएको छ। जसअन्तर्गत ब्लु हाउसको क्याप्टेनमा सप्रिन्स पाख्रिन (१७३ मत), रेड हाउसको क्याप्टेनमा ए.आर. थिङ (१५० मत), र ग्रीन हाउसको क्याप्टेनमा मनित अर्याल (१४१ मत) विजयी हुनुभएको छ। यी तीनै जना विजेताहरू कक्षा ९ का विद्यार्थी हुनुहुन्छ। त्यस्तै, यलो हाउसको क्याप्टेन पदमा कक्षा ८ का समर्थन श्रेष्ठ १४८ मतका साथ निर्वाचित हुनुभएको छ।

विद्यालय स्तरमै गरिएको यस प्रकारको निर्वाचनले विद्यार्थीहरूमा सानै उमेरदेखि देशको निर्वाचन प्रणाली, भोटको महत्त्व र लोकतान्त्रिक मूल्य मान्यता बुझ्न ठूलो मद्दत पुग्ने सहायक निर्वाचन अधिकृत अश्विन खड्काले बताउनुभएको छ।