कार्यक्रममा प्रतिनिधि सभा सदस्य प्रशान्त उप्रेती, प्रदेश सांसद एकलाल श्रेष्ठ, प्रेमबहादुर पुलामी, लक्ष्मी श्रेष्ठ, जिल्ला समन्वय समिति मकवानपुरका प्रमुख ललितबहादुर घलान, हेटौँडा उपमहानगरपालिकाकी प्रमुख मीनाकुमारी लामा र प्रमुख जिल्ला अधिकारी बसन्त अधिकारीलगायतको उपस्थिति थियो।

त्यस्तै, विभिन्न राजनीतिक दलका नेता तथा कार्यकर्ता, संघ–संस्थाका प्रतिनिधि, नागरिक समाज, मानवअधिकारकर्मी, पत्रकार तथा उद्योग व्यवसायीहरूको समेत कार्यक्रममा सहभागिता रहेको थियो।

संयुक्त रूपमा आयोजित उक्त पुष्प अर्पण कार्यक्रममार्फत मकवानपुरका राजनीतिक दल तथा विभिन्न क्षेत्रका प्रतिनिधिहरूले भोटेकोशी बाढीबाट पीडित तथा प्रभावित नागरिकप्रति ऐक्यबद्धता जनाउँदै विपद्मा ज्यान गुमाउनेहरूप्रति श्रद्धाञ्जली अर्पण गरेका छन्।