जिम्बा फिल्म प्रोडक्सनको १५औँ प्रस्तुति तथा मङ्गलीमाया स्याङतानको निर्माणमा बन्न लागेको नयाँ तामाङ चलचित्र ‘मयुङ अर्थात् माइती’को फर्स्ट लुक पोस्टर सार्वजनिक गरिएको छ ।
निर्माण पक्षले पोस्टर सार्वजनिक गर्दै चलचित्र निर्माणको औपचारिक घोषणा गरेको हो । चलचित्रको निर्देशन निमा लामा तामाङले गर्दैछन् । निर्माण पक्षका अनुसार चलचित्रको छायांकन आगामी दसैं तथा तिहारपछि सुरु हुनेछ। काठमाडौं आसपासका विभिन्न स्थानमा चलचित्रको छायांकन गर्ने तयारी गरिएको छ। यस चलचित्रमा पेमा लामा योन्जन र मीनकुमार वाइबा निर्माताका रूपमा रहेका छन् भने आरकेबी लामाले कार्यकारी निर्माताको जिम्मेवारी सम्हालेका छन् ।
चलचित्रमा जय स्याङतान, सिताराम गोले, कल्पना वाइबा, करिशा वाइबा, हिरोज लोप्चन, मनिष रेस खड्का, गोम्बो तामाङ लो, सुनलाल वाइबा, मंगलसिंह ग्यावा र छविलाल बोम्जन लगायतका कलाकारको मुख्य अभिनय रहनेछ। चलचित्रका गीतहरूमा शब्द तथा संगीत स्वयं निर्देशक निमा लामा तामाङकै रहेको छ । ती गीतहरूमा विशाल काल्तन, शुभ तामाङ, जितु लोप्चन र सुमिना लोको स्वर रहनेछ भने एरेन्जरका रूपमा चाँद सिंह र बुद्ध स्याङ्बा रहेका छन् ।
निर्देशक लामाका अनुसार चलचित्र ‘मयुङ अर्थात् माइती’मा चेली र माइतीबीचको सम्बन्धलाई मुख्य कथावस्तु बनाइएको छ। यससँगै पारिवारिक सम्बन्ध तथा श्रीमान्–श्रीमतीबीचको सम्बन्धका विभिन्न पक्षलाई पनि कथामार्फत प्रस्तुत गरिने उनले बताए। यसअघि आफूले निर्देशन गरेका चलचित्रभन्दा ‘मयुङ अर्थात् माइती’लाई अझ परिष्कृत र उत्कृष्ट बनाउने प्रयास रहने निर्देशक लामाको भनाइ छ। समग्रमा चलचित्रले तामाङ समुदायको पारिवारिक सम्बन्ध र सामाजिक परिवेशलाई कथाको माध्यमबाट पर्दामा उतार्ने निर्माण पक्षले जनाएको छ।
शिक्षा र ज्ञानलाई समाज, राष्ट्र तथा वातावरणको हितमा प्रयोग गर्नुपर्छ : मुख्यमन्त्री थापा मगर
भुटनदेवी माविको विद्यालय व्यवस्थापन समिति सर्वसम्मत पराजुली
एमाले बागमतीले हेटौंडामा सम्पर्क कार्यालय स्थापना गर्यो
कार्यसम्पादन सम्झौतापछि बजेट कार्यान्वयनमा तीव्रता दिन मुख्यमन्त्री थापाको निर्देशन
मकवानपुर कांग्रेसको प्रदेश सभा क्षेत्रीय अधिवेशन मंगलबार
