आज र भोलि हेटौडा अस्पतालमा आङ खस्ने समस्याको नि:शुल्क शल्यक्रिया हुने

२२ असार २०८०, शुक्रबार प्रकाशित

हेटौडा। स्वास्थ्य निर्देशनालय बागमती प्रदेश हेटौंडाको आयोजना र हेटौडा अस्पतालको सहयोगमा आज र भोलि नि:शुल्क शल्यक्रिया शिविर हुने भएको छ ।

स्वास्थ्य निर्देशनालय हेटौंडाका अनुसार आज र भोलि हुने शिविरमा आङखस्ने तथा अब्सट्रेटिक फिस्टुला भएका महिलाहरुको हेटौडा अस्पतालमा नि:शुल्क उपचार हुनेछ भने शिविरमा आएकाहरूलाई खानाको व्यवस्था र एक हजार रूपैयाँ यातायात खर्च समेत उपलब्ध हुने छ । शिविरमा आउने लाइ १ थान नेपाली नागरिकताको फोटोकपी ल्याउन स्वास्थ्य निर्देशनालय हेटौंडाले आग्रह गरेको छ ।