महालक्ष्मी साहित्य पुरस्कार २०८० महाकाव्यकार मुना अर्याललाई प्रदान गरिने भएको छ। महालक्ष्मी विकास बैंक र मातृभूमि साहित्य समाज मकवानपुरले संयुक्त रूपमा प्रदान गर्ने यो पुरस्कारमा रु. ५१,००० नगद र सम्मानपत्र समावेश छ।

आइतबार आयोजित पत्रकार सम्मेलनमा बैंकका हेटौंडा शाखा प्रबन्धक अनन्तराज धितालले जानकारी दिए अनुसार यो पुरस्कार हालसम्म २० जना साहित्यकारलाई प्रदान गरिसकिएको छ। उनका अनुसार बैंकले २०५९ देखि नै सामाजिक उत्तरदायित्व अन्तर्गत साहित्य क्षेत्रमा योगदान पुर्‍याउने व्यक्तित्वहरूलाई सम्मान र पुरस्कृत गर्दै आएको छ।

यसैगरी, मातृभूमि समाजको संयोजनमा केशवलाल स्मृति मातृभूमि पत्रकारिता पुरस्कार २०८० मकवानपुरका पत्रकार माधव न्यौपानेलाई प्रदान गरिने भएको छ। समाजका अध्यक्ष कृष्णप्रसाद दाहालका अनुसार न्यौपानेलाई सम्मानपत्रसहित रु. १०,००० नगद प्रदान गरिनेछ।

संबन्धित शिर्षकहरु

मदन भण्डारी स्वास्थ्य विज्ञान प्रतिष्ठानमा नयाँ नियुक्तिहरू

महान् पर्व बडादसैँ सुरु, आज घटस्थापना

मकवानपुर इन्द्रसरोवरबाट दुई गर्भवती महिलाको हवाई उद्धार

यो पनि हेर्नुहोस

बालजागृतिका विद्यार्थीहरुद्वारा बृद्धाश्रममा सहयोग

राष्ट्रिय युवा संघ मकवानपुरद्वारा सिस्नेरी पहिरो पीडितको सम्झनामा दीप प्रज्वलन

बागमती प्रदेशको १४ औं अधिवेशन अन्त्य गर्न सिफारिस