पुलिसका लागि उत्कृष्ट प्रदर्शन गरेकी उषा नाथ ‘प्लेयर अफ द म्याच’ घोषित भइन् र उनले नगद १० हजार रुपैयाँ प्राप्त गरिन्।

यस जितसँगै पुलिस क्लब सेमिफाइनलमा प्रवेश गर्ने तेस्रो टोली बनेको छ। अब उसले सेमिफाइनलमा चितवनसँग प्रतिस्पर्धा गर्नेछ। चितवनले आयोजक मकवानपुरलाई हराउँदै सेमिफाइनलमा स्थान सुरक्षित गरिसकेको छ।

प्रतियोगिताअन्तर्गत सोमवार एपिएफ र वीरगंज युथ एकेडेमीबीच अर्को क्वार्टरफाइनल खेल हुनेछ। प्रतियोगिताको फाइनल खेल बुधबारका दिन हुनेछ। उपाधि विजेताले ५ लाख रुपैयाँ, उपविजेताले ३ लाख रुपैयाँ नगदसहित ट्रफी, मेडल र प्रमाणपत्र प्राप्त गर्नेछन्।