बागमती प्रदेश सरकारले बागमती प्रदेशभित्र अन्तर पालिकामा चल्ने सार्वजनिक सवारीका साधनको भाडा दर समायोजन गरिएको छ । वृद्धिसँगै प्रदेश सरकारले हिजो शनिबार बाट लागू हुने गरी यात्रुवाहक सार्वजनिक सवारीका साधन र मालवाहक सवारीका साधनको भाडा दर समायोजन गर्दै वृद्धि गरिएको छ। पेट्रोलियम पदार्थको मूल्यमा वृद्धिसँगै सार्वजनिक भाडादरमा वृद्धि गरेको बागमती प्रदेशको श्रम, रोजगार तथा यातायात मन्त्रालयले जनाएको थियो ।

मन्त्रालयको श्रम, रोजगार तथा यातायातका प्रमुख प्रविण श्रेष्ठले शनिबारबाट लागू हुने गरी उपत्यका बाहेकका स्थानमा सञ्चालन हुने यात्रुवाहक सार्वजनिक सवारी साधनको भाडा दर १७.३५ प्रतिशतले वृद्धि भएको जानकारी दिए ।

यसअघि साढे दुई वर्षअघि उपत्यका बाहेकका स्थानमा सञ्चालन हुने यात्रुवाहक सार्वजनिक सवारी साधनको ५.३१ प्रतिशतले सवारी भाडादर वृद्धि गरिएको थियो ।
उहाँका अनुसार उपत्यकाभित्र चल्ने यात्रुवाहक सार्वजनिक सवारी साधनको भाडा दर २५.९६ प्रतिशतले वृद्धि गरी समायोजन गरिएको छ ।
प्रदेश सरकारले प्रदेश राजपत्रमा सूचना जारी गर्दै प्रदेशभित्रका सार्वजनिक सवारी साधनको भाडा निर्धारण÷समायोजन गरिएको छ । पेट्रोलियम पदार्थको मूल्यमा शुक्रबार भएको वृद्धिका आधारमा सार्वजनिक सवारी भाडादरमा वृद्धि गरिएको उहाँको भनाई थियो ।

संबन्धित शिर्षकहरु

राप्रपाले केन्द्रीय कार्यसम्पादन समिति बैठक बोलायो

६४ अर्ब डलरको प्रस्ताव विश्वकै ठूलो ‘युनिभर्सल म्युजिक ग्रुप’ किन्न

लगातार तीन खेलमा फ्लप भएका सामसनले हाने शतक

यो पनि हेर्नुहोस

अमेरिका र इरान वार्ता विना निष्कर्ष टुंगियो

पाकिस्तानी प्रधानमन्त्रीको अमेरिकी र इरानी प्रतिनिधिमण्डलसँग छुट्टाछुट्टै भेट

आइतबार ‘ओपिडी’ सञ्चालन गर्न सकिँदैन: चिकित्सक संघ