हेटौंडामा ट्रकको ठक्करबाट एक प्रहरी जवानको मृत्यु भएको छ। बुधबार राति करिब ८ बजे हेटौंडा उपमहानगरपालिका–११ थानाभर्‍याङस्थित पूर्व–पश्चिम राजमार्गमा स्कुटर र ट्रक ठोक्किँदा प्रहरी सहायक हवलदार किरण श्रेष्ठको ज्यान गएको हो।

जिल्ला प्रहरी कार्यालय मकवानपुरका अनुसार नवलपुरबाट हेटौंडातर्फ आउँदै गरेको बा.प्र.०३–००५ प १४१५ नम्बरको स्कुटरलाई पछाडिबाट आएको ना ५ ख ५२५२ नम्बरको फलाम बोकेको ट्रकले ठक्कर दिएको थियो।

दुर्घटनामा गम्भीर घाइते भएका ३६ वर्षीय श्रेष्ठलाई उपचारका लागि हेटौंडा अस्पताल पुर्‍याइएको भए पनि उपचारकै क्रममा राति ८ः२५ बजे चिकित्सकले मृत घोषणा गरेका थिए। श्रेष्ठ नुवाकोटको तादी गाउँपालिका–६ निवासी हुन् र नेपाल प्रहरी विशेष सुरक्षा गण रातोमाटे, मकवानपुरमा कार्यरत थिए।

संबन्धित शिर्षकहरु

च्याम्पियन्स लिगको फाइनलमा पीएसजी

जुलुस, प्रदर्शन एवं राजनीतिक गतिविधिमा संलग्न हुन् : बालबालिकाहरूलाई रोक

दुग्ध किसानद्वारा मनहरी गाउँपालिका अध्यक्ष कालाखेती सम्मानित

यो पनि हेर्नुहोस

बागमतीमा प्रशासनिक संरचना पुनर्गठन: १४ बाट ८ मन्त्रालयमा झार्ने निर्णय

मुख्यमन्त्री बानियाद्वारा छापामारीप्रति गम्भीर ध्यानाकर्षण

श्रमिक अधिकारको संरक्षण र रोजगारी विस्तारमा जोड: मुख्यमन्त्री बानियाँ